ភ្នំពេញ៖ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB), នាយកដ្ឋានស្រាវជ្រាវ និងអភិវឌ្ឍន៍ បានរៀបចំ និងសម្របសម្រួល វគ្គបណ្តុះបណ្តាលមួយស្តីពី “ការវិភាគទិន្នន័យបែបគុណវិស័យ” ដែលឧទ្ទេសនាមដោយ ឯកឧត្តមបណ្ឌិត អ៊ុន ឃាង ប្រធានក្រុមប្រឹក្សាភិបាលនៃមជ្ឈមណ្ឌល APM នារសៀលថ្ងៃពុធ ទី២៣ ខែកក្កដា ឆ្នាំ២០២៥។ វគ្គបណ្តុះបណ្តាលនេះផ្តួចផ្តើមឡើងក្នុងគោលបំណងពង្រឹងសមត្ថភាពរបស់ក្រុមការងារស្រាវជ្រាវក្នុងការរៀបចំ និងប្រើប្រាស់ទិន្នន័យ ដើម្បីគាំទ្រដល់ការសិក្សាស្រាវជ្រាវឱ្យកាន់តែមានប្រសិទ្ធភាពបន្ថែមទៀត។


